Royal Greenland Japanimi inuussutissarsiutinik pilerisaarinermi peqataasoq
Royal Greenland danskit suliffeqarfippassui, Japanimi niuernermik aallussallit allat peqatigalugit sapaatip akunnerani matumani Japanimiippoq. Suliffeqarfik nittartakkamini taama allappoq.
Kalaallit suliffeqarfiutaata aningaasaqarnermut pisortaq, Nils Duus Kinnerup attaveqarnermullu pisortaq, Jens K. Lyberth aallartippai. Tamatuma saniatigut Royal Greenlandip Japanimi tuniniaanermut pisortaa, Takaaki Shimoda aamma peqataavoq.
Royal Greenland naapertorlugu pisortat taakku pingasut misilittakkanik suliffeqarfinnillu allanik nalliuttorsiornermi peqataasunik suleqatigiinnissamut periarfissanik misissuissapput.
Royal Greenlandip peqataanermini kungissap nulia Mary, danskillu nunanut allanut tunngasunut ministeriat, Anders Samuelsen nittarsaassinersuarmi aamma peqataasut naapippai.