Assi: Royal Greenland

Royal Greenland ingerlalluartoq

Royal Greenland ukiuni kingullerni ingerlalluarsimammat aamma neriuutigineqarpoq 2017-imi taama ingerlajumaartoq. Namminersorlutik Oqartussat pigisaani pisortaaneq Mikael Thinghus aviisimut JPfinansimut taama oqarpoq.

Royal Greenland ingerlatsivinni amerlanerni ukiumut siulianut naleqqiullugu ingerlalluarnerusimavoq. Ingerlatsiviup 2016-imi canadamiut piginneqatigiiffiat Quin-Sea Fisheries pisiaraa, naatsorsuutigisamillu ingerlalluarnerusimaqisoq pisortaaneq oqarpoq.

- Angusarissaarnitsinnut pisooqataasorujussuupput, aviisimut pisortaaneq oqarpoq.
Taassuma pisiarineratigut Royal Greenland Amerikap avannaanut isertinneqarpoq. Naallu naatsorsuutit pisortatigoortumik saqqummiunneqanngikkaluartut Mikael Thinghusip naatsorsuutigaa, Amerikap avannaani tunisat nalingi 200 millionit  koruuniussasut, naammagisimaarlugillu.

Nunarsuup illuatungaanut Asiamut Royal Greenlandimit aalisakkanik qalerualinnillu avammut tunisassiorluartoqarpoq.

Royal Greenlandi Japanimut ukiut 30-gajaat tunisassiorpoq, Kinamullu ukiut 15-t missaannik tunisassiorluni, Mikael Thinghuusilu naapertorlugu suliffeqarfissuup tunisassiorneranut annerpaajusimavoq.

- Asiamut tunisassiorneq uatsinnut iluatsitsilluarneruvoq, Tinghuus oqarpoq.

Tuluit EU-imit anisussanngornerata kingunerisaanik pundip nalingata appariarnera nalorninartorsiortitsigaluartoq tunisassiorneq nunatsinnut inuttunngitsumut pingaarutilerujussuuvoq.

Pisortallu naatsorsuutigaa suliffeqarfissuup 2017-imi siumukartuarnissaa.

- Asiamut niuernitsinni tunisassiortarneq eqqarsaatigalugu aalisakkanik qalerualinnillu piumaneqarluartunik tunisassiaqarpugut, Royal Greenlandip pisortaa oqarpoq.
 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!