Rasmus Lyberth qalipaasartutut saqqummertoq

Eqqumiitsuliortoq tamatigoortoq Rasmus Lyberth, erinarsortartutut nipilersortutullu ukiorpassuarni suliaqarpoq. Filmiliamilu ilisarititsissummi, Viborgimi tusagassiuutilerinermik ilinniarfimmi ilinniartut suliarisimasaanni, qalipaasartutut aamma maanna saqqummerpoq.

- Uulialerlugu qalipaaqqaartussanngorama sapiliinnarpunga. Ittoornermik, Rasmus Lyberth, ilisarititsinermi "Alapernaassuseq aquttoralugu"-mik qulequtserneqarsimasumi taama oqaluttuarpoq. 

Assilialiorneq ataqqisarisupilussuugamiuk ittuulersarluni oqaatigaa. Taamaammat aamma qalipaanissani ajornakusoortittarpaa. 

Ullulli ilaanni kiinnanik takusaqarpoq, taakkulu isumassarsiorfigalugit qalipaalerpoq. 

- Ullut ilaanni eqqumiitsuliortunngorumaarpunga, qungujulluni oqarpoq, nangillunilu;

- Taamaammanuna nutsakka tallisikkikka, eqqumiitsuliortutut isikkoqarniassagama.  

Rasmus Lyberth erinarsortartutut, taalliortutut, sanaalukkanik eqqumiitsuliortutut, isiginnaartitsisartutut oqaluttuartartutullu ilisarisimaneqarpoq. Maannalu aamma qalipaasartunngorpoq. 

Rasmus Lyberthip ilisaritinnera - Alapernaassuseq aquttoralugu - Viborgimi tusagassiuutilerinermik ilinniarfimmi ilinniartut Jewan Sedop, Paalu Møllerip, Hans-Peter Bayip Daniel Wagnerillu suliaraat.

Ilisaritinnera allaaserisap qulaatungaani isiginnaarsinnaavat. Filmi danskisoortuuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!