Inuussutissarsiutit

RAL-ip Aalborgip Umiarsualiviani siunissaa suli nalunartoq

Royal Arctic Line Aalborgimit qaqugu qimagutissanersoq suli nalunarallarpoq.

Allattoq Helle Nørrelund Sørensen

novembarip 02-at 2016 08:08

Nutserisoq Simon Uldum -

Aalborgip Umiarsualiviani siulersuisuini siulittaasup Royal Arctic Linellu siulersuisuini siulittaasup ataasinngormat ataatsimiinnerisa kingorna tamanna erserpoq. Nordjyske Medier taama allaaserisaqarpoq.

Thomas Kastrup-Larsenip, Aalborgip Umiarsualiviani siulersuisuini siulittaasuullunilu Aalborgimi borgmesteriusup oqaatigaa "RAL qanoq eqqarsaateqarnersoq paasilluarlugu."

Royal Arctic Linelli Aalborgip qitiusumik umiarsualivittut atuiunnaarnissaa pillugu aaqqiissutissarsisoqarsimanngitsoq aamma oqaatigaa.

Aamma atuaruk AL: Sikuki aallaavittut umiarsualivinngussaaq

Umiarsuaatileqatigiiffiup Aalborgillu Umiarsualiviata isumaqatigiissutaat 2022-p tungaanut atuuppoq. Royal Arctic Linelli pisortaanerata Verner Hammekenip siornatigut oqaatigaa Aalborgip 2019-imi qimannissaa umiarsuaatileqatigiiffiup kissaatigigaa.

Siusinnerusukkullu qimanneqarnissaa pissutigalugu Aalborgip Umiarsualiviata Royal Arctic Line sioorasaarpaa taamatut pisoqassappat 200 millionit koruuninik taarsiiffigineqarnissamik piumasaqaateqarniarluni.

Aamma atuaruk Aalborgip umiarsualiviata Royal Arctic Line tatiniarsarigaa