RAL-imi sulisut sulinertik nangikkaat

Royal Arctic Linep Aalborgimi immikkoortortaqarfiani sulisut 100-t missaanniittut sulinertik ataasinngornermi ullaakkut nangeqqippaat.

3F-ip ataani sulisut sinniisaat, Michael Gregersen, KNR-imut taama ilisimatitsivoq.

RAL-ip Aalborgip umiarsualiviani immikkoortortaqarfiani sulisut sapaatit-akunnerata siuliani suliumajunnaarput, ingerlatseqatigiiffiup Aarhusimut nuunneqarnissaanik RAL-imi pisortaqatigiit paasissutissiinermi periaaserisaraat akerleralugu.

AAMMA ATUARUK RAL-ip taarseeqqusinissamik siorasaarisut isumaqatiginniarumagai

Sulisulli sinniisaasa Royal Arctic Linemi pisortaaneq, Verner Hammeken, sapaatit-akunnerata naanerata ingerlanerani oqaloqatigisimavaat.

Oqaloqatigiinnerlu 'pitsaalluinnarsimavoq' Aalborgimilu sulisut RAL-illu Kalaallit Nunaanni pisortaasa akornanni qasukkaamisoqarpoq, Michael Gregersen taama oqarpoq.

- Nassuertoqarpoq. Uagut taama nalilerparput, sulisut sinniisaat oqarpoq.

Verner Hammeken Aalborgiliarniarpoq RAL-illu Aalborgimi sulisui tamaasa juulip arfernani ataatsimeeqatigissallugit, pisorlu ataatsimiinnermi tassani oqaluusereqqinneqassaaq.

AAMMA ATUARUK RAL-p pisortaa: Aalborgimi sulisut ilisimatinneqareernikuupput

AAMMA ATUARUK Aalborg Havn føler sig svigtet af RAL

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!