RAL-imi kinguaariit nikittussanngortut
Royal Arctic Line nutaamik pisortartaartussanngorpoq. Pisortaaneq Jens Andersen taarserneqartussaavoq RAL-illu tamatumunnga piareersaatit sivisuumik ingerlassimavai. Umiartorneq pillugu atugassiaq, Maritime Danmark, taama allaaserisaqarpoq.
Allattoq Niels Krogh Søndergaard
decembarip 05-at 2014 08:18
Nutserisoq Simon Uldum -
- Jens Andersenimut isumaqatigiissutip 2011-mi sivitsorneqarnerani kinguaariit nikinnissaat sioqqullugu kingullerpaamik sivitsuisoqarsinnaanera eqqumaffigilereerparput. Kinguaariillu nikinnerat eqqissilluta persuarsiutiginalugulu maanna ingerlapparput, Royal Arctic Linep siulersuisuini siulittaasoq, Kuno Fencker, atugassiamut taama oqarpoq.
Nukiit nutaat
- Taamaaliornikkut atajuartussamik aaqqiissuteqarnissaq qulakkeerniarparput peqatigitillugulu nukinnik nutaanik eqqussilluta, tamannalu suliffeqarfimmut nukittorsaataassaaq annertooq, Kuno Fencker aamma oqarpoq.
Jens Andersen killissaleriikkamik atorfeqartitaavoq isumaqatigiissutaatalu killinga maanna qaangiutilerluni.
