RAL ajunngitsumik avissaarusuttoq
Umiarsuuatileqatigiiffiup Namminersorlutik Oqartussanit pigineqartup Aarhusimiit aallartalernissani nalunaarutigisimagaluarpaa isumatigiissutilli nutaap tamanna allanngortinngilaa.
- Aalborgimulli isumaqatigiissutigaarput, ataatsimoorluta containerinik Aalborgimukaassisarnissap qulakkeernissaa misissuiffigissagipput, Royal Arctic Linep pisortaanera, Verner Hammeken oqarpoq.
AAMMA ATUARUK Aalborg Havnip RAL pakatsissutigigaa
RAL-illi piffissami matumani Aalborgi Aarhusilu tikiffigisassanerai imaluunniit suliffeqarfik allaassanersoq maannakkuugallartoq oqaatigisinnaanngilaa,
- Imaassinnaavoq sulinermut oqinnerussappat, umiarsuaq alla Aarhusimiit Aalborgiliartartuussaassasoq, Verner Hammeken oqarpoq.
Ataasermi qulakkeeqqavoq, tassa, Royal Arctic Linep umiarsuaa nutaaq atulerpat Aarhusimiit 2019 aallarnerfigalugu aallartalissaaq.
Aalborgip umiarsualiviata tamatumani peqataanissaanut RAL-ip Aalborgip umiarsualivianut containerinik 2025-p tungaanut tikisitsisarnissamut isumaqatigiissutigisariaqarsimavaa - tassalu maanna isumaqatigiissutigineqareersimasoq ukiunik pingasunik sivitsoqqillugu.
AAMMA ATUARUK RAL-ip umiarsuai Aarhusimut tulattalissapput
Isumaqatigiissut piffissaq sioqqullugu RAL-ip taamaatissappagu 200 millionit koruuninik taarsiisariaqartoq, Aalborgip umiarsualiata siusinnerusukkut siorasaarutigaa.
Nutaamilli isumaqatigiissuteqarnermit tamanna pinngitsoortinneqassaaq.
AAMMA ATUARUK Aalborgip umiarsualiviata Royal Arctic Line tatiniarsarigaa
- Aappaattut attaveqaammi uani taarsiisariaqarnermik eqqartuinnginnermut nuannaarutigisorujussuuarput. Tamatsinnut atorsaasunik nalingiissaakkamik aaqqiissuteqarnissaq matumani eqqartorparput.
Isumaqatigiissut naapertorlugu RAL-i Aalborgillu Umiarsualivia ataatsimut aaqqiissutissamik suliffeqarfiit siulittaasuinut aappaagu februaarip aallaqqaataatinnagu saqqummiussissapput.
