Qupannavaat oqaluffimmi luciaassapput
Hans Egedep Oqaluffia KNR-ip erinarsoqatigiivinit, Qupannavaanit, luciap iluartup ulluani tussiarfigineqassaaq.
Allattoq Louise M. Kleemann
- Qupannavaat qaqortuinnarnik atisaqarlutik Lucialu naneruutinik ikumasunik nujarmioqartoq siuttoralugu ingerlaassapput tusarnaartitsinermilu kalaallit, qallunaat, svenskillu juullisiutaat atorneqassapput, tusarnaartitsinermilu aqutsisuussaaq Sofi Ek, Niels Pavia Lynge KNR Siuarsaavimmeersoq oqarpoq.
Erinarsoqatigiit Qupannavaat kisimik allanik peqateqaratik perngaammik tusarnaartitsissapput.
Tusarnaartitsineq pissaaq Hans Egedep Oqaluffiani decembarip 13-ani nal.19.30.