VIDEO Qulingiluanik ukiulik piginnaanilissuaq universitetimi ilinniagaqartoq
Kamil Wronski 3. klassimi atuartuuusussaagaluartoq Polenimi oqartussat nukappiaqqap ilinniarnera aningaasalersorpaat.
Video file
Allattoq Ritzau
novembarip 26-at 2016 10:16
Nutserisoq Simon Uldum -
Peqatimi tabeli angineq suli ilungersuutigaat, Kamil Wronski universitetimi matematikkimik ilinniagaqarniarluni ingerlaqqippoq.
- Ilinniarneq nuannareqaara, nassuiaavoq.
Polenimi illoqarfimmi Lublinimi universitetimi ilinniartitsisuisa nukappiaraq qulingiluanik ukiulik "matematikkimut piginnaanilissuartut" taagorpaat, taamaammat nukappiaqqap imaannaanngitsup immikkut ittumik ilinniarnera aningaasalersorniarlugu oqartussat aalajangiussimavaat.
Universitetip mekatronikkimut fakultetiani, mekanikkimik elektronikkimillu ataatsikkut sammisaqarfiusumi ilinniarnera immikkut aaqqissuunneqarsimavoq. Kamilili peqatiminut attaveqaannarnissaa siunertaralugu meeqqat atuarfianni atuarnini sapaatit-akunnerata ingerlanerani aamma ingerlatiinnartariaqarpaa.
