Qulimiguullip Norgemi nakkarnerata kingorna ajunaarsimasut aqqanillit nassaarineqarput

Qulimiguullip Norgemi nakkarnerata kingorna ajunaarsimasut aqqanillit timaat nassaarineqarsimasut, nutaarsiassaqartitsivik NTB naapertorlugu Norgemi annassiniartut nalunaarutigaat.
Det er en type a la denne Bristow EC225LP, som styrtede ned i Norge. Assi © : Joshua Brown/Flickr Creative Commons
Allattoq Ritzau
apriilip 29-at 2016 13:25
Nutserisoq Ivik Kristiansen

Qulimiguulik 13-inik ilaasoqarluni norgep nalunaaqutaa naapertorlugu ulloqeqqata missaani nakkarpoq.

Ilaasut marluk suli nassaarineqanngillat, taakkuninngalu ujaasineq suli ingerlavoq.

Norskit aqqanillit, tuluk italiamiorlu qulimiguulimmi Statoilip Gullfaksimi qilleriviliaanukartumi ilaasuusimasut, oqartussanit nalunaarutigineqarpoq.

Qulimiguullip nakkalernerani ajunaalernermik kalerrisaarutaa annaassiniaasunit ulloqeqqanut tiguneqarsimasoq, Bergenip illoqarfiata avisiata Bergens Tidendep allaaseraa.

Qulimiguullip qulimiguua katassimasoq takunnittunit oqaatigineqarpoq. Qulimiguuliullu sinnera nakkannginnermini ikuallalersimavoq.

/ritzau/