Ritzau Nunanit allanit

Qulimiguulik periarfeerunneqartoq Svalbardip eqqaani immap naqqani nassaarineqartoq

Ruslandimi qulimiguulik arfineq-pingasunik issimasoqarluni Svalbardip avataani sisamanngormat nakkartoq, immap naqqani 209 meterisut ititigisumi maanna sumiissusersineqarpoq. Norgemi annaassiniartartut taama nalunaaruteqarput.

Allattoq Ritzau

oktobarip 30-at 2017 07:24

Nutserisoq Mads Lynge

Qulimiguulik, Ruslandimeersunik tallimanik inuttaqarlunilu pingasunillu ilaasulik, Barentsburgimi sisamanngornermi mikkiartulerluni periarfeerunneqarpoq.

Issimasut ajunaarsimanissaat ilimagineqarpoq.

AAMMA ATUARUK Russit qulimiguuliat Svalbardip eqqaani tammartoq

Qulimiguulik umiarsuarnit, timmisartunit qulimiguulinnillu ujaarineqarpoq, Ruslandimeersullu 40-t ippassaq sapaammi ujaaseqataalerlutik.

Qulimiguulik periarfeerunneqartoq silaannakkut angallannermi Svalbardimi illoqarfiit pingaarnersaanni Longyearbyenimi oqartussat sisamanngormat tamaani ualikkut ataatsip qaangilaaraa attaveqarfigigaluarpai.
Ruslandimiut qulimiguuliutaasa Kap Heerimi mittarfiannut attaveqarnissaat tassani kaammattuutigineqarpoq.

Qulimiguulik kingorna periarfeerunneqarpoq.

Qulimiguulik periarfeerunneqartoq Svalbardip eqqaani immap naqqani nassaarineqartoq

Aamma atuaruk