Timersorneq

VIDEO QNQ alutorineqartoq

Assammik arsaalluni pissartanngorniullutik manna Inussivimmi Nuummi unammisaqattaaleruttorput. Pissartanngortussatut ilimagineqartut, GSS arnat angutillu, aammaarlutik takutitsilluarmata maluginiarneqalaavipput. Qaanaarmiulli, QNQ, aamma maluginiarneqarput.

Allattoq Nathan Kreutzmann, Simon Uldum / Mathias Davidsen, Mads Pedersen

apriilip 22-at 2015 15:09

Qaanaarmiut arsarluartorsuunngikkaluarput, tassami maannamut unamminerit tamaasa ajorsarput. Taamaattorli arsarnertik nuannarepasippaat, tamannalu isiginnaarianit malugineqanngitsuunngilaq. Aamma QNQ Nunatta illoqarfiisa avnnarpasinnersaaneersuunerat isuginnaarianit alutorineqalaavippoq.

QNQ-mi unammisartoq, Angutdluk Duneq, anguniakkatik oqaluttuarilaarpai.

- Håndboldimi siuariartornissaq pinerullugu peqataavugut. Pitsaanerpaamik angusaqarnissarput takorloorparput.

Kingullerminngaanniit ajugaanerulluta, Angutdluk Duneq KNR-imut oqarpoq.

Taassuma aamma oqaatigaa tapersorsorneqarnertik pissatsiallaatigisarlugu.

- Pissangassutigaarput illersorluarneqaqqissanerluta. Neriuutigaarput illersorneqarumaarluta.

Qanoruup ilanngutassiaa takuuk. Tassani aamma Nunatsinni håndboldertarneq pillugu pilersaarutit tusarsinnaavatit.