Qitsunni oqimaannerpaajusoq Omar 14 kilonik oqimaassuseqartoq
29-inik ukiullip Stephanie Hirstip Australiami Melbournemieersup Omarimik atilimmik qitsoqarpoq. Qitsullu amitsuusimagaluartoq maanna anginerpaavoq.
Allattoq Karsten Sommer
Qitsummi pingasunik ukioqartoq qitsunnut allanut naleqqiullugu pingasoriaammik anginerusoq, mirror.co.uk allaaserisaqarpoq.
Omar 120 centimeterinik takissuseqarpoq, tamannalu rekordinik nalunaarsuiffinni allattugaatigineqarnissaanut naammappoq.
Anginerpaattut allattugaatigineqarsimasoq taamaallaat 118,3 centimeterinik takissuseqaraluarpoq.
Tamatuma saniatigut Omar 14 kilonik oqimaassuseqarpoq.
Omarip nerisassai qanoq aningaasartuutaatiginersut allaaserisami eqqaaneqanngilaq.