Qipoqqaat aalajangersimasumut uteqqittuartarput

Qipoqqaat Nuup kangerluaniittartut tammarpata, takornariaqarnermut sunniuteqarsinnaavoq. Pinngortitaleriffimmi uumassusilerisut paasisaat taamaapput.

Allattoq Inge S. Rasmussen

juulip 01-at 2015 13:48

Nutserisoq Erna Lynge

Ilisimatuutut misissuisut pingasut qipoqqaat Nuup Kangerluanut uteqattaartartut ukiuni arlalinni malinnaaffigisimagaat, Atuagagdliutini allaaserineqarpoq.

Qipoqqaat tamakku tassaapput ukiut tamaasa sumiiffimmut ataatsimut takkuteqqeqattaartartut, tassa Kalaallit Nunaanni kangerlunnut aalajangersimasunut.

Ilisimatuutut misissuisut qipoqqaat sarpiisa immikkuullarissut assingi ukiuni 2007-imit 2012-imut katersorsimavaat.

Aamma atuaruk Arfanniarneq ajutoortoq oqallitsitsivoq

Qipoqqaat aalajangersimasut arfinillit takkuteqqittuartuusut, assit 500-nit amerlanerusut ersersippaat. Taakkunanngali pingasut maannakkut pisarineqareersimapput.

Taamaattumik kangerlummi siunissami qipoqqarnik siumuisinnaaneq ajornakusoornerulissasoq, ilisimatuutut misissuisut Atuagagdliutini siulittuipput. Qipoqqaat kangerlunnut aalajangersimasunut sooq uteqqittarnersut ilisimatuutut misissisut paasisimanngilaat.

Ataatsimulli isigalugu Nunatta eqqaani qipoqqaqarnerulersimasoq, paasissutissat ersersippaat.