Qinikkat qulingiluat qinigaasinnaanngitsutut aalajangiiffigineqartut
Qinigaasinnaanermut Ataatsimiititaliaq kommunalbestyrelsinut, nunaqarfinni aqutsisunut ilagiillu sinniisaannut ukioq manna apriilip ulluisa sisamaanni qinersinerup kingorna qinigaasinnaanermut apeqqutinik tamanik aalajangiissuteqarpoq, ataatsimiititaliarlu suliat katillugit 14-it aalajangiiffigai.
Allattoq Jonas Fievé
novembarip 16-at 2017 09:06
Nutserisoq Mads Lynge
Taakkunannga qulingiluat qinigaasinnaanermut annaasaqartut ataatsimiititaliap nalunaarutigigaa, Naalakkersuisut nittartagaanni atuarneqarsinnaavoq.
Suliat aalajangiiffigineqartut akornanni ilagiit sinniisaannut qinigaasimasunut tunngapput, ataaserlu nunaqarfinni aqutsisunut qinigaasimasuulluni.
Kommunalbestyrelsimi sinniisussatut qinigaasut qinigaasinnaanermut annaasaqartut marluupput, marlullu allat nunaqarfinni aqutsisunut qinigaasinnaanermut annaasaqarlutik.
Qinigaasinnaanermut ataatsimiititaliap aalajangigai inaarutaasut maalaarutigineqarsinnaanngitsullu, Naalakkersuisut tusagassiutinut nalunaarummi allaaseraat.
