Folketingimut qinersineq 2015 Qinigassanngortittut akuerisat uani takukkit
Partii Inuit folketingimut qinigassanngortitsinngilaq.
Kalaallit Nunaanni Naalagaaffiup sinniisuata Michaela Engellip qinigassanngortittut akuerisaasut pillugit nalunaarutaani tusagassiorfinnut nassiuteqqammerneqartumi tamanna paasinarsivoq.
Jan Bønes Nalaagaaffiup sinniisoqarfiani sulisup KNR-imut oqaatigaa, Partii Inuit atsiornernik qinnuteqaammilluunniit tunniussisimanngitsut.
KNR-miillu Partii Inuit siulersuisuisa ilaat oqaaseqartinniarlugit attaveqaraluarnerput iluatsinngilaq.
Partiinit qinigassanngortittut akuerisat ukuupput
Atassut: Jonas Nilsson aamma Steen Lynge.
Demokraatit: Aputsiaq Olsen Jonathansen, Poul Hansen, Randi Vestergaard Evaldsen aamma Rasmus Dalsgaard Andersen.
Inuit Ataqatigiit: Aaja Chemnitz Larsen, Johan Lund Olsen, Karo Thomsen Fleischer aamma Mûte Borup Egede.
Partii Naleraq: Dan Rasmussen aamma Per Pilutaq Rosing-Petersen.
Siumut: Aleqa Hammond, Erik Jensen, Jens-Erik Kirkegaard, Martha Abelsen aamma Pitsi Høegh.