Qinigaanerat atorsinnaanngitsutut nalilerneqarpoq

Kommunenut qinersisoqarmat inuit arfinillit qinigaangaluartut qinigaanerat atorsinnaangitsutut nalilerneqarpoq, taakkua akornanniipput ikaarsaariarnermi ataatsimiititalianut iseraluartut marluk sinniisussallu sisamat.

Storm Ludvigsen, Inuit Ataqatigiit sinnerlugit Kangiata Kitaatalu kommuneannut qinigaangaluartoq 2003-mi tillitanik pisisimani pissutigalugu qinigaanera atorsinnaanngitutut nalilerneqarpoq.

Avannaata kommuneani ikaarsaariarnermi ataatsimiititaliamut Siumut sinnerlugu qinigaangaluartoq, Karl Tobiassen pinerluttulerinermut inatsisini paragraf 65, uumasunik naalliutsitsinermut tunngasoq naapertorlugu eqqartuunneqarsimanera pissutigalugu qinigaangaluarnera atorneqarsinnaanngitsutut nalilerneqarpoq.

Sinniisussatut qinigaangaluarnerisa atorsinnaanngitsutut nalilerneqartut ilagaat, Jensine Berthelsen, Kangiata Kitaatalu kommuneannut Atassut sinnerlugu sinniisussatut siullertut qinigaangaluartoq, qinigaanera atorsinnaanngitsutut nalilerneqarpoq, 2004-mi Sisimiuni tillissimanera pissutigalugu.

Kujataani Demokraatit sinnerlugit qinigaangaluartoq, Jim Riis annersaasimasutut eqqartuunneqarsimanini pissutigallugu kommunemi sinniisussaasinnaajunnaarpoq.

Taamatullu Inuit Ataqatigiit sinnerlugit Avannaani qinigaangaluartoq, Inuaraq Petersen aamma kommunemi sinniisussaasinnaajunnaarpoq.

Kiisalu Elias Larsen, Kattusseqatigiit Partiianneersoq, uumasunik naalliutsitsisimasutut eqqartuunneqarnikuunini pissutigalugu Avannaata kommuneani sinniisussaasinnaajunnaarpoq.

Qinerneqarsinnaassutsimik naliliisartut nalunaarusiaat nittartakkatsinni atuarneqarsinnaavoq. Tassani aamma Jensine Berthelsenip 2004-mi tillissimasutut eqqartuunneqarami pisimasunik nassuiaataa atuarneqarsinnaavoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!