Qinersisartunut ataatsimiisitsinissamut KNR aggersaavoq
Takkullutit politikerit toqqaannartumik apeqquteqarfigikkit. Kalaallisut qineqqusaartitsineq ullukkut marlunut aallartissaaq, sisamanullu tanneq qulingiluat naassalluni.
Taassuma kinguninngua nalunaaqutaq sisamanut qallunaatut qineqqusaartitsisoqassaaq. Taakkua tamarmik KNR2-mi nutserneqarneri aallakaatitsinermi aamma aallakaatinneqassapput.
Naalakkersuisunut siulittaasutut piukkussat oqallinnerat
Siumut siulittaasua Kim Kielsen aamma Inuit Ataqatigiit siulittaasuat Sara Olsvig aamma sumiiffimmi tassanerpiaq ataasinngorpat pikkunartumik oqallisissapput.
Qularnanngilluinnarpoq taakkua arlaat Naalakkersuisunut siulittaasunngorumaartoq, immaqalu oqallinnissap aamma tamanna aalajangeeqataaffigisinnaavaa.
Kikkut tamarmik isiginnaaqataanissaminnut periarfissaqarput. Oqallinneq kalaallisut unnukkut nalunaaqutaq arfineq-pingasup qeqqa aallartissaaq, qallunaatuua qulingiluat qeqqa aallartissalluni.
Facebook iluaqutigalugu sunneeqataagit
Qinersisartunik ataatsimiisitsinissamut Naalakkersuisullu siulittaasorilersinnaasaata oqallinnissaannut takkussinnaanngikkuit apeqqummik anngussinissamut periarfissaqarputit.
Facebookimi quppernitsinni facebook.com/Qinersineq aqqutigalugu apeqquteqarit. Periarfissat atorluariuk.