Qinersinissamut siunnersuutitsialaat
Namminersornerullutik Oqartussani Nunami Namminermi Pissutsinut, Siulersuisoqarfimmilu, Allattoqarfimmi pisortaq, Leif Scharling, taama nasuiaavoq. Innuttaasunit arlalinnit apeqqutigineqartarpoq qanoq qinersissanerlutik, Namminersornerullutillu Oqartussani Nunami Namminermi Pissutsinut, Siulersuisoqarfimmilu Allattoqarfimmi pisortaq, Leif Scharling, tassa taama akissuteqarpoq.
Tassa qineqqusaartup suminngaaneersuunera apeqqutaassaaq, qineqqusaartorlu partiimit annerpaamit, Kattusseqatigiinniit imaluunniit kisimiilluni qinigassanngortittoq amerlanerpaanik taaguunneqartoq qinigaassaaq.
-Tassa kommunimini taaguunneqarnerpaasoq partiimi kommunimini taaguunneqarnerpaasumi qinigassanngortissimanngikkuni imaanngilaq qinigaassasoq, Leif Scharling nassuiaavoq.
Apeqqutigigatsigu kommunerisassatsinni kommunimit allameersumik arlarput taasissagaluarpat tamanna qanoq isumaqassanersoq, akivoq:
-Qinigassanngortittut saniasigut kommunalbestyrelsimi kikkut ilaasortaassanersut taasisup aalajangertussaassavaa.
