Qinersinermi samminiakkat pingarnerit

- Danmarkip politikkini tulluarsartuassuaa kalaallit qanimut suleqatigalugit Folketingimi, qulakkeerumallungu Qallunaat naalagaaffiat aamma isittumi naalagaaffiummat. Pisussaaffini naapertorlungu nukittunerusumik inissisimasariaqarami, Siumut Siulittaasua Aleqa Hammond oqarpoq.

Nunatsinni partiit pingasut piumasartik pissappassuk, qineqqusaarnermi Isittumi politikki annertuumik sammineqassooq.

Siku aakkiartortillungu Nunarput nunarsuamioqatigiinnut soqutiginaraluttuinnarpoq.
Nunarput aatsitassaqarluarpoq ujaasisoqartuarlunilu.

Umiarsuit assartuutit siunissami ungasinngittumi Sullualukkoortalissapput.

Demokraatit Siulittaasuat Jens B. Frederikseni isumaqarpoq Folketingimi inuussutissarsiornikkut soqutigisat salliutinneqassasut.

IA-p siulittaasua Kuupik Kleist isumaqarpoq, kalaallit folketingimi ilaasortanngortussat nuna avannaani najugaqartut 4 millionit sinnerlugit sullississasut.

 -  Nunatsinninngaanneersut Folketingimut ilaasortanngortussat inuit isittormiut 4 millionit soqutigisaat eqqarsaatigalugit pingaarutilimmik inissisimapput. Folketingi aqqutingalugu europamiut tusartinneqartariaqaramik isittumi innuttaasut kissaataat suunersut, IA'p Siulittaasua Kupik Kleist oqarpoq.

IA aamma Siumut isumaqarput folketingimi ilaasortanngortussat danmarkimi kalaallit atungaat pitsaNunatsinni Folketingimut qinersisoqartillungu Naalagaaffiup Sinniisua akisussaasuusarpoq.

Demokratit isumaqarput, politiit eqqartuussiveqarnerlu pitsanngorsartariartut, Nunatsinni siunissami tiguneqalerunik pitsaanerulissaat siunertaralugu.

- Politiit amerlassusaat ikippallaarput aamma atugarititaasut ajorpallaarput taamaammat ullutsinnut naleqqussartussaapput.

Partiit angisuut pingasut aamma danskit politikeriinik suleqateqarluarnissaq pingaartippaat.

Atassut isumaqarput, EU-mut ilaasortanngorsinnaaneq misssorneqartariaqartoq.

- Qulaajartikkusupparput iluarnerunersoq EU-mut ilaasortaalluni imaluunniit avataaniilluni, Atassutip Siulittaasua Gerhard Petersen oqarpoq.