Qinersiartut ataatsimiititsineri ornigarneqarpianngitsut
Qinersisatut Katuami qallunaatut ataatsimiitinneqarnerat nammasseqqarmerpoq, TV-kkullu isiginnaartunit soorlu takuneqarsinnaasoq Inersuaaraq qinersisartunit ornigarneqarluarpoq.
Ataatsimiititsinermi Avanersuarmi Dundas-imi amerikamiut mingutsitsisimanerata qanoq iliuuseqarfiginiarneqarnera, namminersulernissaq kiisalu Danmarkip ukiumoortumik aningaasaliissutai qinersisartunit apeqqutigineqaqattaarput.
Tallimanngormalli qinersisartunik inuusunnerusunik Nuummi Qassimi qineqqusaartut 16-it tamarmiullutik oqillititsiniarnerigaluat iluatsippallaanngilaq, tusarnaarisat tallimaannaat ornigussimammata. Taamatuttaaq Nuummi STI-p atuarfiani qinersisartunik ippassaq unnukkut ataatsimiititsinissaagaluaq unitsiinnaerneqarpoq orniguttut ikippallaaqimmata.
- Qineqqusaarneq eqqarsaatigalugu qinersisartut ataatsimiititsinernut soqutiginnippallaannginnerat pakatsinaartuuvoq, qineqqusaartummi unamminissaraluat taamaalilluni pinngitsoormat, Lars-Emil Johansen, Siumumeersoq naliliivoq.
