Qinerserngaartussat nalornipput
GU-mi Qaqortumi ilinniartut arlallit suli aalajangersimanngillat septemberip 15-iani qinersinermi sumut krydsiliiniarnerlutik arlallillu suli aalangersimanngillat qinersiartorniarnerlutik.
Qinerserngaartussat qineqqusaartut oqariartuutaat takoqqaarusuppaat kina taaniarnerlugu.
Ilaasa qinerseriaaseq paasisaqarfigeqqaarusuppaat qinersiniarnerlutik isummertigatik ilaasali qinerserngaartussanngornertik pissutigalugu malinnaanerulersimanertik oqaatigalugu.
GU-milu ilinniartut assigiissutigaat qinersinissaq sioqqullugu kina qinerniarnerlugu siumut aalajangereersimannginnamik.
- Taama inuusutsigaluni aalajangernissaq ajornakusoorsinnaasoq sorpassuarnut saaqattaartaratta. Immaqa utoqqaanerumaanut isummernissaq ajornanngineruvoq, qinerserngaartussaq Aviaq Larsen Qanoruumut oqarpoq.