Qineqqusaartut KNR-ikkut malinnaaffigikkit

Inatsisartunut qinersisoqarnissaata tungaanut KNR-ip qinersisartunik ataatsimiititsinernit aallakaatittagassai ullumi aallarnerneqassapput, Ilulissat Timersortarfiannit KNR-TV-kkut Radiokkullu toqqaannartumik aallakaatinneqartussamik unnugu qineqqusaartoqassagami.
Arnaq Nielsen
Allattoq Mads Lynge
oktobarip 24-at 2014 11:08

Qinersisartunik ataatsimiititsinerup kalaallisuaa unnugu nalunaaqutaq arfineq-pingasunut qiteqquppat, 19:30, aallartissaaq, qulinullu qiteqqunnissaata, 21:30-p, tungaanut ingerlassalluni. Qallunaatut kingorna taava aallakaatitsisoqassaaq, qulinut qiteqquppat, aqqarnernullu tanneq qulingiluat tungaannut, tassa 22:45-p tungaanut.

Aamma atuaruk Qineqqusaarneq KNR TV-mi ima malinnaaffigiuk

Partiit tamarmik immikkut kalaallisut qinersisartunik ataatsimiititsinermi arfinilinnik sassartitaqassapput, qallunaatuuani sisamanik sassartitaqassallutik.

Ilulissani qinersisartunik ataatsimiititsinermik aallakaatitsineq TV-kkut radiokkullu toqqaannartumik aallakaatinneqassaaq, qinersisartunillu ataatsimiititsinerit tallimaasut akornanni siulliussalluni. Sisimiunit sapaatip-akunnerata tulliani aallakaatitsisoqassaaq, sapaatillu-akunnera aamma qaangiuteeerpat Qaqortumit Narsaminngaanniillu aallakaatitsisoqassalluni. Taamaalereerpat Nuummi qinersisartunik ataatsimiititsineq novembarip ulluisa 23-anni aallakaatinneqarumaarpoq.

Radiomi TV-milu Aallakaatitassat uani takukkit.