Qimuttuitsuni ilaasut angummit savilisartumik saassunneqarput
Nunap immikkoortuani naalakkersuisut ataatsimeereersut Herrmann tusagassiortunut taama oqaluttuarpoq, angutillu saassussinini nassuerutigisimagaa.
Politiit naapertorlugit angut sakkulersortoq nunap immikkoortuani Hessenimi najugaqarpoq.
Münchenip ungasinngisaani marlunngornermi ullaaralaaq angut savimmik qimuttuitsuni ilaasunik saassussivoq inuillu sisamat ikilerlugit - arlallit annertuumik ikilerlugit. Takunnittuusimasut arlallit Bayerischer Rundfunkimut taama oqaluttuarput.
Tyskit tv-qarfiat ARD naapertorlugu ikilikkap ataatsip ikini toqqutigisimavai.
- "Allahu akbar" angut saassussinermi suaartarsimasoq isiginnittuusimasut oqarput.
Angut inuusuttoq saassussisimatsiartoq politiinit tigusarineqarpoq.
Pasineqartoq tassaavoq tyskisut innuttaassusilik, Grafingimi borgmesterip allaffeqarfiata uppernarsarpaa.
Saassussineq marlunngornermi ullaakkut tallimanngunngitsiartoq pisimasoq norgemiut nutaarsiassaqartitsiviat NTB nalunaarpoq, saassussineqareermat akunnerit sisamaat affaq ingerlareersoq aatsaat tyskit nutaarsiassaqartitsivii pisimasoq pillugu paasissutissiisimasut.