Qimussertarneq tammatsaaliorniaraat

Qimmeqarnermut kulturip attatiinnarneqarnissaanut siunnersuutit quppersaaqqatigut sisamanngorpat saqqummersinneqassapput.

Qimmeqarnermut kulturip tammatsaaliorniarneqarnissaa pillugu siunnersuutit 22-upput, nunat assigiinngitsut Sisimiuni siorna ataatsimiinneranni saqqummiunneqarput isumaqatigiissutigineqarlutillu. Quppersagaq kalaallisut, tuluttut, qallunaatut russisullu saqqummersinneqassaaq.

Ilinniartitaanermut Kultureqarnermullu naalakkersuisoq Doris Jakobsen Jensen siunnersuusiortoqarneranut aamma peqataavoq, qimmeqarnermullu kulturip attatiinnarneqarnissaanut ineriartorteqqinneqarnissaanut politikkikkut sulinermini atorusullugit:

- Siunnersuutit inunnit ulluinnarsiutigalugu qimussernermik sammisaqartunit suliaapput. Taakkulu qimminut qimuttunut qimussertartunullu atugassarititat pitsannguiffiginissaannut sakkussaapput, pingaarutillit, Kultureqarnermut naalakkersuisoq Doris Jakobsen Jensen oqarpoq.

Qimussertartullu Hans Peter Kreutzmannip naalakkersuisoq isumaqatigaa:

- Kulturerput attatiinnassavarput, iliuuseqanngikkutta ukiut arlaqanngitsut qaangiuppata qamutinik motoritortunik "nerineqassaaq", Hans Peter Kreutzmann, qimussertartoq qamusiortorlu oqarpoq.

Quppersagaq qimmeqarnermut kulturip tammatsaaliorneqarnissaanut atatillugu siunnersuutinik 22-nik imalik Sisimiut Katersugaasiviani sisamanngorpat ualikkut tallimanut qiteqquppat saqqummiunneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!