Asseq toqqorsivimmit: Norgemiut umiarsuaata Siem Pilotip arfineq-marloriarluni annaassiniarnermini qimaasut 800-nit amerlanerusut annaassimavaiAssi: Kripos/Flickr Creative Commons

Qimaasut 8000-init amerlanerusut poorskip nalaani annaanneqartut

Qimaasut 8000-init amerlanerusut Afrikap avannaata Europallu akornanni imartamit Poorskip nalaani annaanneqarsimapput. Naalagaaffiit Peqatigiit qimaasunut qullersaqarfiata UNHCR-ip tamanna nutaarsiassaqartitsivimmut NTB-mut nalunaarutigaa.

Inuit 8300-t missaat annaanneqarsimapput, arfineq-pingasullu, taakkunannga arnaq naartusoq ataaseq, ajunaarsimasut nalunaarutigineqarpoq. Carlotta Sami, FN-ip qimaasut qullersaqarfiata oqaaseqartitaa taama oqarpoq.

Inunnik anngiortumik angallassisartut, Akullersuarmi tallimanngornermit sapaat ilanngullugu anoraasannera atorluarniarsaralugu umiatsiarpassuarnik avalatsitsipput. Amerlanerit Libyamit Italialiartinneqarlutik.

Suliniaqatigiiffiup Maltameersup Moasip annaassiniartartuisa umiarsuaata Phoenixip ulikkaarluinnarsimanera, suliniaqatigiiffiup ilisimatitsissutigaa, inuit gummibådeni umiatsiaaqqanullu ilaasimasut annaanneqartariaqarsimammata.

Norgemiut umiarsuaata Siem Pilotip arfineq-marloriarluni annaassiniarnermini qimaasut 800-nit amerlanerusut annaassimavai.

Qimaasut 32.000-ingajaat Europamut ukioq manna qimaasimasut, nunat tamalaat qimaasunut suliniaqatigiiffiata nalunaarutigaa, 650-iniillu amerlanerusut ajunaarsimanngikkunik maqaasineqarlutik.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!