Qimaasunut tikilluaqqusisarneq killilersorniarneqartoq
Tysklandimi nunami namminermi pissutsinut ministeri, Thomas de Maizière, Østrigimiut avisiannut Der Standardimit apersorneqarluni oqarpoq.
- Qimaasut amerlassusaasa qummut killilerneqarnissaat isaasalerlugu "ajunngisaarfiusariaqarpoq".
-Amerlanerpaaffissaat anguneqareeraangata, qimaasunik iseqqittoqartassanngilaq, siunnersuutigisami qanoq aqunneqarnissaanik aperineqarami taama akivoq.
Tyskit forbundskansleriat, Angela Merkel, nunamini nunanilu tamalaani Kangia Qiterlermit sorsuunnernit eqqissiviilliornernillu pisunit qimaasunut ikiuukkumanera pillugu tapersersorneqarluarpoq.
Qimaasulli amerlasuupilussuit nunamut isaanerat pissutigalugu inuttut ikiuiniarnerminut tunngatillugu isornartorsiorneqangaatsiarluni.
Qimaasut nunasinialluunniit siorna Europamut annguttut marluugaangata aappaa Afrikameersuusarpoq. Ukiormannali Syriamit qimaasut aatsaat taama amerlatigipput, qimaasullu arfiniliugaangata ataasiinnaq Afrikameersuusarluni.
