Qerisunik Danske Fragtmændimiititsisarneq taamaatittussanngortoq
Royal Arctic Linep Danske Fragtmænd suleqatigiinnissamik isumaqatigiissuteqarfigaa. Nunatsinnit qerisunik nassiussat assartoqqinneqarlutillu Danske Fragtmændip quersuini uninngatinneqartarput nassiussarsisussallu taakkununnga aasarpaat. Tamannali ullualuit qaangiuppata periarfissaajunnaassaaq.
- Uatsinnut iluanaarutaanngilaq. Qerititsiveqarneq aamma nalorninartoqarpallaarpoq, assartuussineq pikkoriffigaarput qerititsivinnillu ingerlatsineq pikkoriffiginerpaanatigu, Danske Fragtmændimi attaveqaqatigiinnermik sulialik, Rune Kjær, KNR-imut taama oqarpoq.
Royal Arctic Line naapertorlugu, assartuussinermik suliffeqarfiup allap qerisunik nassiussanik Danmarkimi ingerlatitseqqiisinnaasup isumaqatigiissuteqarfiginissaa maannakkorpiaq sulissutigineqarpoq.