Qeqqussat ujaqqallu seqummai Aarhusimi nittarsaassinermi saqqummiunneqartut

Kalaallit Nunaanni danskit kalaallillu suliffeqarfiutaasa suleqatigiiffigisinnaasaannik, inuussutissarsiutinik periarfissarpassuaqarpoq.

Periarfissallu taakkua ineriartortinneqartariaqarput, suliniut Nukiga aamma Aarhusimi Kalaallit Illutaat isumaqarput, taakkua Kalaallit Nunaanni inuussutissarsiorneq pillugu Aarhusimi pingasunngornermi sisamanngornermilu saqqummersitsissapput.

Suliniummi NUKIGA-meersup, Anders Günzel-Jensenip inussuussutissarsiutitigut suliniutit assigiinngitsut tikkuarpai, taakkua Kalaallit Nunaata Danmarkillu akornanni suleqatigiinnikkut iluaqutaasinnaasutut taallugit.

Sermersuup agiunneranit marulluk, tassalu sermimit ujaqqallu seqummakui, nunani ineriartorfiusuni naggorisaatitut atorneqarsinnaasut, qeqqussanik nioqqutissiorneq, sanaartornikkkut ineriartortitsinerit nutaat, kalaallillu inuussutissanik suleriaasaat naapertorlugu nerisassiortarneq nittarsaanneqassapput.

- Maannakkut pisunut periarfissaqangaarmat, uani nittarsaassinermi Kalaallit Nunaata  Danmarkimi inuussutissarsiuteqartunut soqutigineqarnerulernissaa anguniarneqarpoq, Aarhus aallaavigalugu.

Ulrik Lyberth Maki Seaweed Greenlandimeersoq nittarsaassinermi peqataasussanut ilaavoq. Tasssumalu qeqqusat Kalaallit Nunaanneersut ilisimaneqarnerulernissaat neriuutigaa.

- Nutaanik attaveqalernissara neriuutigaara, annertunerusumillu attaveqarfinnik pilersitsillunga, Kalaallit Nunaanni qeqqussanik inuussutissarsiuteqarnerup ineriartortinneqarnissaanut piumassuseqartumik, Ulrik Lyberth oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!