Qeqqata Kommuniani qinigassanngortitassat suli piariinngitsut

Kommuninut qinersinissamut ullut 53-iinnanngorput. Partiilli ilaasa Qeqqata Kommunianut kikkut qinigassanngortisssanerlugit suli naggataasumik aalajanginngillat, ilaasallu qinigassanngortitaqarnissartik suli nalornissutigalugu.

Siumut Inuit Ataqatigiillu kisimik piariingajaqqapput. Siumup kommunimut sassartitassai qulinngoreertut, Inuit Ataqatigiit sassartitassai aqqaneq-marlunngoreerput.

Inuit Ataqatigiillu amerlanernik sassartitaqarnissani neriuutigigaa, Maniitsumi Inuit Ataqatigiinnut ilaasortaq Nuka Berthelsen oqarpoq.

AAMMA ATUARUK Pisortat suliffeqarfii siaruarterneqarlik

- Piareersaatit oqarasuaatikkullu ataatsimeeqatigiittarnerit ingerlallualeruttorpagut. Naatsorsuutigaarput siunertatsinnik tunaartatsinnillu tusagassiutinut 21-ata kingorna nalunaaruteqarnissarput, Nuka Berthelsen IA-meersoq oqarpoq.

Atassut sassartitassarsiuleruttortoq, Partii Naleraq, Demokraatit Partii Inuillu sassartitaqassanerlutik suli aalajanginngitsut.

Sassartitassalli kisimik amigaataanngillat. Partiimmi amerlanerit sunik qineqqusaaruteqassanerlutik ukiunullu sisamanut tulliuttunut sunik anguniagaqassanerlutik suli oqaluttuarinngilaat.

Partiilli Qeqqata Kommuniani borgmesteriutitaqartup, Siumup, politikkissani oqallisaarutissanilu piareereersimavaa.

Takornariaqarnerunikkut suliffeqartitsinissaq qineqqusaarnermi sammineqassasoq, Sisimiuni Siumumut siulittaasoq, Erik Jensen oqarpoq.

AAMMA ATUARUK Hermann Berthelsen sassaqqissanngilaq

- Pingaarnerpaaq taasinnaavara Sisimiut Kangerlussuullu akornanni aqqusineq pilersittariaqarnera. Suliffissanik nutaanik takornariaqarnikkullu taanna annertuumik inerisaaffiukutsoorsinnaammat, Sisimiuni Siumumut siulittaasoq Erik Jensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!