Qeqqata Kommuniani iPadinik suliniut iluatsilluartoq
Apeqqutit immersugassat atorlugit suliniutip sunniutigisimasai misissorneqarmata paasinarsivoq suliniut iluartilluarsimasoq.
Qeqqata Kommunia tusagassiuutinut taama nalunaarpoq.
Ilinniartitsisut aperineqarsimasut 75 procentii akipput atuartitsinerminni iPadsit sapaatip akunneranut marloriarlutik atortarlugit.
AAMMA ATUARUK Atuartup ipad atornerorusuppaa
- iPadit iluartupilussuupput. Atuartut aallussinerminni tinguartiffigisinnaagaat, Sisimiuni Nalunnguarfiup Atuarfiani ilinniartitsisoq iPadsinullu ilitsersuisartoq Seth Skifte taama naliliivoq.
Atuartuttaaq ilinniarnerminni pissarsiarisartagaat iPadsit atornerini qaffassimasut taassuma nalilerpaa.
Aperineqarsimasut 85 procentii aamma oqarput, iPadsit atuartut nammineernerulersittaraat. Oqallinnerusarput, misissuinitik sukumiinerusumik ingerlattarpaat; ilinniartitsisuttaaq 97 procentii isumaqarput ukiut ingerlanerini digitalinik atuinermi atuartut piginnaasaat pitsaanerulersimasut.
AAMMA ATUARUK Qeqqata Kommuniani atuartunut Ipad-it piareerput
Misissuinerulli ersersippaa atuartitsinermi Ipadsit ersarinnerulernissaannut atuartut angajoqqaavisa peqataatinneqartariaqarnerunerat.
ipadsit pillugit suliniut Villumfondenip Qeqqatalu Kommuniata suleqatigiissutigaat.
