Qeqqata Kommuniani atuartunut Ipad-it piareerput
Villumip Aningaasaateqarfiata Qeqqata Kommunianut Kommune Kujallermullu 17 millionit koruuninik aningaasaliinissamut akuersineratigutiPadsit suliniut taanna piviusunngortinneqarsinnaanngorpoq.
Qeqqata Kommuniani ilinniartitsisut iPadsinik novembarip qaammataani agguaassiffigineqarput. Malitsigisaanillu pingasoriarlutik pikkorissartinneqarput.
Tusagassiuutinut nalunaarummi kommuni allappoq, atuartitsinermi iPadsinik atuilernikkut atuartitsinerup soqutiginarnerulernissaanut, atuartullu eqqarsaatigalugit periarfissat assigiinngitsut, ammaanneqartut. Atuartunut iPadsinik agguaassinikkut qarasaasiaqarnikkut annertuumik kivitsinermut aamma ilaavoq, atuartullu meeqqat atuarfianni angusaat aamma ajunnginnerulissasut naatsorsuutigaarput, Sisimiuni Nalunnguarfiup Atuarfiani ilinniartitsisoq, Jørgen Peter Labansen, oqarpoq.
iPadsit siulliit Sisimiuni atuartunut ullumi aqagulu agguaanneqassapput. Kangerlussuarmi, Sarfannguani Itillimilu tamatuma kingorna agguaassisoqassaaq, atuartut iPadsinik sapaatip-akunnerisa arfern ganni, tassa februaarip allartilaarnerani, aallersinnaassapput, Maniitsumi sapaatip-akunnerisa arfineq-aappaanni, februaarip ulluisa qulinganiit, taavalu Atammimmi, napasumi Kangaamiunilu sapaatip-akunnerisa arfineq-pingajuanni, februaarip ulluisa 17-ianniit agguaasoqassalluni.