Qeqertarsuup Tunuani qaleralinniarneq pillugu workshopertitsisoqalersoq
Qeqertarsuup tunuani sinerissap qanittuani nungusaataanngitsumik qaleralinniartarnissaq anguniarlugu Ilulissani Workshopertitsisoqassaaq pingasunngornermiit tallimanngornerup tungaanut.
Allattoq Inge S. Rasmussen
apriilip 05-at 2017 08:41
Nutserisoq Jaaku Lyberth
Workshoppertitsinermi 55-it peqataassapput, tassani aalisartut aalisartitsisartut soqutigisaqartullu akornanni suleqatigiittoqarnissaq anguniarneqartoq, Namminersorlutik Oqartussat tusagassiuutinut nalunaaruteqarlutik taama allapput.
Workshoppertitsineq KNAPK-mit, SQAKPK-mit, Aalisarnermut Piniarnermullu Naalakkersuisoqarfimmit, Pinngortitaleriffimmi aamma Oceans North Greenland-imit aaqqissuunneqarpoq. Workshoppertitsineq Ilulissani Hotel Arcticimi ingerlanneqassaaq.
Pingasunngornerup unnunnerani soqutiginnittunut tamanut ilisimatuussutsikkut siunnersuisarneq naleqqussakkamillu aqutsineq pillugit tamanut ammasumik Hotel Arcticimi nal. 19-21-mut paasissutissiisoqarniarpoq.
