VIDEO Qeqertarmiut Avannaata Qimussersuanut peqataanngitsuulersut
Kalaallit Nunaannimi Qimussertartut Kattuffiat, KNQK, aalajangerpoq Qeqertarmiut Avannaata Qimussersuanut apriilip aappaani ingerlanneqartussamut peqataassanngitsut.
- Qanippallaartutut isigaarput taamatut nappaalasoqarnera ulorianartutut isumaqarfigalugu. Aammalu illersorneqarsinnaanngitsutut isigivarput, taamatut qimmerpassuit akornanni akulerutsinneqassappata, KNQK-p siulittaasua, Mikkel Jeremiassen, KNR-imut taama oqarpoq.
Aamma atuaruk VIDEO Avannaata qimussersuata ingerlanneqarnerani qimmit nappaalalersinnaapput
Aamma atuaruk QIMMIT NAPPAATAAT Pinaveersaartitsineq tunillaassiinnernik unitsitsisinnaassaaq
Qimmit toqunneqartariaqarsimasut
Qeqertamit peqataasoqannginnissaanik aalajangertoqarneranut Qeqertarmiut Saqqarmiullu anngunniuffimmi 4-mik taaneqartumi marsip tallimaani Qeqertarmiut peqataasimannginnerat ilaatigut aamma tunngavilersuutigineqarpoq. Qeqertamimi qimmit marsip 20-ata tungaanut nunaqarfimmi mattusimaneqarput.
- Taamaattussaannartut tiguarput, akuerineqarporlu qimussertartunit, qimmit annguniunnermi atorneqartussaagaluit nappaalallutik toqorarnikuummata, Qeqertami qimussertartut peqatigiiffianni Tiiarut 91-imi siulittaasoq Anina Nielsen taama oqarpoq.
Aamma atuaruk Akiuussutissamik kapitereeraluartut toqusut amerlanerusinnaapput
Aamma atuaruk Qeqertami qimmit 70-it toqunneqartariaqartut
Qimmillit qimmtik arlalissuit annaasimavaat, ilaallu marlussuinnarnik qimmeqalersimallutik. Avataaniilli ikiorneqarnermikkut Avannaata Qimussersuanut aappaagu ingerlanneqartussamut peqataanissartik neriuutigisinnaavaat.
- Nukittoqutigerpasippaat avataanit tutsiussuuttoqarami qimminik tunniusserusuttunik qimminik toqorartoortunut, Tiiarut 91-imi siulittaasoq Anina Nielsen KNR-imut taama oqarpoq.
Saqqarmiu William Jensen Avannaata Qimussersuani ukiut tulleriit siorna ajugaasuuvoq.