Assi: Per Nukaaraq Hansen

Qassutit amuarneqanngitsut kommunit akisussaaffigaat

Qassutit amuarneqanngitsoorsimasut amoorarneqarnissaat kommuninit akisussaaffigineqaraluartoq attaveqarniarneq ajornakusoortillugu saliisoqarneq ajortoq ukiuni 25-ini aalisarnermut piniarnermullu nakkutilliisuusoq oqarpoq.

Nutartigaq 11.25: Qeqqata Kommuniata qassutinik qalluisarneq akisussaaffigalugu KNR-ip attaveqarfigeqqimmani paasissutissiissutigaa.Kommunilu 2014-imi qassutinik qimaannakkanik saliisimanerarlugu.

- Kommuniminngaanniik attaveqartarneq ajornavikkami. Tassa inussutissarsiornermut tunngasortaanut, siullermik Kommuni Kujallermi taavalu maanna Sermersuup kommuniani inissisimaffeqarluni aalisarnermut piniarnermullu nakkutilliisoq Per Nukaaraq Hansen oqarpoq.

Qaasuitsup Kommuniani qassutit 2013-imi '14-imilu amuneqarsimanngitsut qassutinik qalluinissamut suliniut iluatsinngilaq.

AAMMA ATUARUK Hvem har ansvar for havets spøgelsesnet

Qeqqata Kommunia Sermersuup kommunialu saliisarsimanngillat, tamannalu naalakkersuisoqarfiup akisussaaffigigaa KNR-imut unnerpaat.

Kisianni avatangiisit innarlitsaaliorneqarnissaanik inatsit naapertorlugu, sumiiffinni avatangiisinut kommunalbestyrelsit akisussaasuupput.

Kommunit kattussuunneri pissutaasut

Kommunilli qassutikuiaasannginnerannut aamma kattussuunnerup kingorna malittarisassaqannginnermik peqquteqartut nakkutilliisoq oqarpoq.

- Qassutinut tunngasut aatsaat siornakkuni kommunini sisamaasuni ileqqoreqqusaqalerpoq, Per Nukaaraq Hansen oqarpoq.

AAMMA ATUARUK Qassutit amuneqanngitsut akornutaasut

Kommune Kujallermili aalisartut peqatigiiffiat ikioqatigalugu ukiuni kingullerni pingasuni  qalluisoqartartoq aalisarnermut piniarnermullu fuldmægtigip Poul-Erik Petersenip oqaatigaa.

 - Qalluisoqarnikuuvoq Narsap, Qaqortup, Nanortaliup Aappilattullu eqqaani. Tassa annaaneqarnikut qallorneqarnikuupput, Poul-Erik Petersen oqarpoq.

AAMMA ATUARUK Qassutit qaqinngitsuukkat uumasunut ulorianarluinnartut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!