Oqarasuaatit, internet, tv, radiolu ukiortaamili Qassimiuni attaveerussimapput
Qassimiut ukiortaamili nunarsuup sinneranut attaveerussimapput.
Allattoq Kenneth Elkjær
januaarip 06-at 2017 12:19
Nutserisoq Erna Lynge
Una nutaarsiassaq nunaqarfimmi innuttaasut 25-t missaanniittut atuarsinnaanngikkaluaraat ilanngutassiaraarput.
Oqarasuaatit, internet, tv, radiolunniit decembarilli 31-ianni Qassimiuni attaveerussimapput. TELE-POST tusagassiuutinut nalunaarummi taama allappoq.
Oqarput ajornartorsiut tamaviaarlutik aaqqinniarsaralugu, tamannali ajornakusooqisoq.
- Ajoqutaasup sumiissusersinissaa ajornaatsuinnaanngilaq, nassaariuminaammammi silalu aamma ajornartorsiortitsimmat qulimiguulimmik aallartoqarsinnaanngittoq, TELE-POST allappoq.
Tallimanngornermissaaq ajornartorsiut aaqqiiviginiarlugu teknikerit nunaqarfiliartinniarneqaraluarput, silali tamatumunnga akorngusiivoq.
