Qassimiuni attaveqaatit suli ajortut
Nunaqarfimmi Qassimiuni oqarasuaatinut, internettimut, tv-mut radiomullu attaveqaatit decembarip 31-ani 2016-imi ajortipput. Ajornartorsiullu suli aaqqinneqarsinnaasimanngitsoq Tele-Post nalunaaruteqarpoq.
- Nunaqarfimmi Qassiumiuni attaveqaatit suli ajoquteqarput attaveeruttarlutillu. Attaveqaatit aaqqinneqarnissaat TELE-POST-ip teknikeriisa sulissutigaat, Arnakkuluk Jo Kleist, Tele-Postimi attaveqaqatigiinnermut pisortaq, KNR-imut nalunaaruteqarpoq.
- Attaveqaatit iluarsigaluariarlutik ajorteqqikkamik. Ajornartorsiut sunarpiaanersoq suli ilisimaneqanngilaq, attaveqaqatigiinnermut pisortaq KNR-imut oqarpoq.
Attaveqaatit qaqugu aaqqissanersut Tele-Postip oqaatiginngilaa.