Assi: NASA/Kathryn Hansen

Qarasaasiat qaammataasallu umiarsuarmik angallanneq isumannaallissagaat

Nunatta imartaani sikoqartaqisumi umiarsuarnik angallatinillu angallanneq qarasaasiat qaammataasallu isumannaallisassaavaat.

Nunarput tamakkerlugu sikoqarfiit nunao assinganut pitsaanerusumik ikkussornissaannut DMI-mi suliniummut 5 mio. kr.-nik nutaaliornermut aningaasaateqarfiup  Innovationsfonden-ip aningaasaliiffigaa.

Nunatta imartaani sikoqarneranik ilisimasaqarneq suliassarpassuarnut, tassaasunut assartuinermut, angallassinermut aalisarnermullu inuiaqatigiinnut pingaaruteqartunut aalajangiisuusarpoq

Taamaattumik sikorqarnerata nunap assinganut eqqortumik, sikullu nikerarnerani akukilitsumik ikkussortarnissaa pingaaruteqarpoq.

Nunatta immikkoortuini toqqarneqartuni DMI maannakkut sikunik nalunaarsuisarpoq..

Suliniut nutaaq ASIP-imik taaneqartoq, DMI, DTU aamma Harnvig Arctic & Maritime sikup assiliortarnera eqqornerulersinniarpaat, immap immikkoortua annerulersillugu akulikinnerusumillu saqqummersittarlugu.

DMI malillugu siunertaavoq suliniut, Innovationsfonden-imit aningaasaliiffigineqartoq tassaalissasoq nunarsuarmi sikusiorfiit pittaanersaat.

AAMMA ATUARUK DTU-p issittumi ilisimatusarfittaaq sukatereqataaffigissagaa

Suliniummi siunertarineqarpoq, EU-p qaammataasiaataanit Sentinel-init, taartoq, pujoq njuiassallu akimorlugit assiliisinnaanit, paasissutissat annertuut atussallugit.

Taannaannaanngilarli. Qaammataasanit asserpassuit qarasaasiamit, nammineerluni sikunik ilisarinnissinnaasumit suliarineqartassapput kingornalu sumi sikoqarnera nunap assinganut ikkussorlugit.

- Periuseq nutaaq atorlugu nunap immikkoortuani pineqartumi ullormut sisamariarluni immami siku pillugu paasissutissiisoqarsinnaavoq. Atuisartunit amerliartortunit pisariaqartinneqartut taamaalillutik naammassineqarsinnaapput. Innovationsfonden-imit aningaasat atorlugit sikunik alapernaarsuisarneq nutaaq aallartinneqarpoq, DMI-mit Matilde Brandt Kreiner, suliniummik ASIP-imik aqutsisoq oqarpoq.

Sikumik assilisat akulikinnerusut eqqornerusullu immami angallannermut isumannaannerulersitsissapput aammalu angallaviup sukkoqquunnissaa pilersaaarusiorsinnaanngortissallugu. Ikummatissanik atuineq annikillisissavaa tamannalu avatangiisinut iluaqutaassaaq, kisiannilu aamma Kalaallit Nunaata  pilersorneqaneqarnera, nioqqutissanik eqqussuineq aammalu avammut nioqquteqarneq isumannaannerulersillugit.

Anguniagaq tassaavoq, sikunik nalunaarsuutit imminnik pisut aammalu ilimasaarutit, DMI-mit tamanit pissarsiarineqartalernissaaq, taavalu ilinniarluarsimasutut atuisoqarfiit, soorlu umiarsuaatileqatigiit, annertusisanik naleqqussakkanilu sikunik nalunaarsuutinik pisisinnaallutik.

Ukioq manna oktobarip naanerani DMI-p qulimiguullit atorlugit sikunik alapernaarsuivia Narsarsuarmiittoq matuvoq, sikunik alapernaarsuirnerup qaammataasanut Nunarpullu tamakkerlugu annertsuineqartumut nuunneqarnera pissutigalugu.

Sikunik nalunaarsuutit nutaat siulliit 2019-imi aasaaneranit misiliutigineqarsinnaalissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!