Qaqqat alanngui qiiaamminaannartumik tunisaalluarpoq

- Filmep soqutigineqarnera pisiariumaneqarneralu tupaallaatigaarput.
Filme Qaqqat alanngui tusintilikkaannngorlugu dvdtut Blue Raytullu isiginnaarneqarsinnaanngorlugu nuupparput. Isumaqarsimagaluarpugut taakkua naammattut kisiannili taamaanngitsoq paasivarput, Aka Hansen oqarpoq.

Pisiniarfiit filmimik tuniniaasut arlaqartut nunguutsisimallutik nalunaarput, taamaattumillu Tumit Production dvd-nik Blue Ray-nillu allanik inniminniipput juullertinnagu tuniniarneqartussanik.

Kalaallit filmiliaanik qiiaammisaarnartumik imaluunniit ersiummisaarnartumik isiginnaarnissamik soqutiginninneq sumit aallaaveqarnersoq filmimik suliarinneqataasoq Aka Hansen aperineqarami taanna oqarpoq,  ersiummisaarnartumik qiiammernartumilluunniit isiginnaarnissaq tamatta pissanganartutut isigigipput.

Taassuma nuannaarutigaa Tumit Production-ip filmiliaa soqutigineqarluarmat filminik  allanik suliaqarnissamut kajumilersitsisoq unnerlugu.