Assi: Arktisk Kommando

Issittumi sakkutooqarfik: Qaqqap sisoornera tassaarsuaqartitsisoq

Kangerlummi Karrani innap 300 x 1100 meterisut angitigisup sisoornera, Nuugaatsiap ilarujussuata aseruatiterneranik kinguneqartumik tassaarsuaqartitsisimassangatinneqarpoq. Issittumi Sakkutooqarfik taama ilisimatitsivoq.

Tassaarsuarmut arfininngormat Nuugaatsiami qarsutsitsisumut sunarpiaq pissutaanersoq ippassaq sapaammi erseqqissumik suli oqaatigineqarsinnaanngilaq.

Issittumili Sakkutooqarfiup ajunaarnersuarmut pissutaasoq nassaarisimarpasippaa:

- Arfininngormat unnukkut kangerlummi Karrani qaqqap sisoorneratigut nuna sajuppillappoq. Nuna 300 x 100 meterit missaannik angitigisoq kangerlummut sisoorpoq tassaarsuaqartitsillunilu, tassaarsuarlu kingorna qeqertanut kangerlunnut eqqaaniittunut annguppoq, Issittumi Sakkutooqarfik facebookimi quppernermini ataasinngormat ullaakkut taama allappoq.

GEUS: Paasissutissat paasiuminaatsupilussuupput

Issittumi Sakkutooqarfik Facebookimi quppernerminut assitaliussaani qaqqap ilarujussua sisoorsimasoq takuneqarsinnaavoq.

GEUS naapertorlugu qaqqap sisoorneranut nunap sajunnera pissutaanersoq maanna oqaatigineqarsinnaanngikkallarpoq. Qaqqalli sisoornera, arfininngormat nal. 21.40 uuttortarneqartoq immini sajuppillatsitsisimasinnaasoq oqaatigineqarpoq.

- Paasissutissaativut paasiuminaatsupilussuupput, aamma nunap sajunnera pissutigalugu qaqqaq sisoorsimanersoq, imaluunniit qaqqaq immini sisoorsimanersoq takusinnaanngilarput. Paasissutissaatitsinni tamanna immikkoortissinnaanngilarput, GEUS-imi ilisimatuut pisortaat seismologi, Tine Larsen, taama oqaluttuarpoq.

Nal. 21.40 sajuppillattoqarneranit minutsit arfineq-pingasut qaangiummata Nuugaatsiaq tassaarsuarmit eqqugaavoq, illut aqqanillit amuneqarput inuillu sisamat maannamut maqaasineqarlutik.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!