Qaqortumi qinersisartunik unnummut ataatsimiisitsisoqalersoq
Qaqortumi qinersisartunik ataatsimiisitsineq nalunaaqutaq arfineq pingasunut qiteqquppat aallakaatinneqassaaq.
Allattoq Bikki P. Kleist
Isiginnaartartut naalaartartullu qinersisartunik ataatsimiisitsinissaq KNR-TV-kkut radiokkullu toqqaannartumik akunnerit marlussuit ingerlanerani malinnaaffigisinnaassavaat.
Suleqaterput Kassaaluk Kristiansen KNR-mut oqarpoq, Qaqortumi Niuernermik Ilinniarfimmi qinersisartunik ataatsimiisitsisoqassasoq.
Partiit imminnut ilisaritereerpata innuttaasut apeqquteqaataat saqqummiunneqassapput.