Qalerallit ikilinerat kommunip malugigai
Taamaattumik Kommunep aalisarneq sianigaa, kommunimmi tulleriiaarineranut innuttaasunillu sullissineranik eqquinerlussinnaavoq.
Qeqertarsuup Tunuani aalisartoq qaleralinnik kilomik ataatsimik tunisippat suliffissuarmullu tunillugu taanna aalsiartoq koruunik 25-nik iluanaassasoq, KNAPK nalunaarpoq. Ukiulli affaani siullermi tamaani siornamut naleqqiullugu qalerallit 2700 tonsinik ikinnerusut pisarineqarsimapput.
Tamanna isumaqarpoq Qeqertarsuup Tunuani aalisartut ukioq manna siornamut naleqqiullugu 67,5 millioner koruuninik ikinnerusunik isertitaqarsimasut. Taamatullu ingerlaannassappat kommunip kinguneri malugissaqai.
AAMMA ATUARUK Qalerallit mikisut Qasigiannguani suliffinnik ikinnerulersitsisut
Aalisartut isertitakinnerulerpata kommuni akileraarutitigut isertitakinnerulissaaq. Tamannalu innuttaasunut malunnaateqassasoq kommunaldirektøri Hans Eriksen oqaluttuarpoq.
- Immaqa ukiuni aggersuni anguniagassagut appartikannertariaqassavagut, sullissinerullu pitsaassusia aamma apparatarsinnaavoq, Hans Eriksen oqarpoq.
Aammali politikkikkut anguniakkanut ukiumut aggersunut missingersuutinut sorlernut eqquissanersoq.
- Ikaarsaatiarnermut ataatsimiititalianut inassutigisassagut allaaratarsinnaapput, Eriksen oqarpoq.
Qanorli ingerlassanersoq ukiup affaa qaangiuppat oqaatigineqarsinnaalissaaq, Qeqertarsuup Tunuani qaleralinniarnerup kukkusumik ingerlanera arlalitsigut malugineqarsinnaavoq.
- Qeqertarsuup tunuani qalerallit milliartortutut oqaatigineqarput, Hans Eriksen oqarpoq.
AAMMA ATUARUK Qalerallit ikinnerat suliffeqarfissuarnut sunniivoq
AAMMA ATUARUK Ikilinerannut peqqutaasorineqartoq isumaqatigiinngissutigineqartoq
Hans Eriksen naapertorlugu kommunimi isumaginninnikkut aningaasartuutit siornamut naleqqiullugu amerleriareersimapput.
- Ukioq manna isaannarmik isigalugu umiarsualivipput siornamut naleqqiullugu umiatsiakisaarneruvoq, Eriksen oqaluttuarpoq.
Aningaasaqarnermut pisortaqarfiup nalunaarutigaa qaleralinniarneq 2016-imut naleqqiullugu ukiup affaani siullermi 5 millionit koruuninik ikinnerusunik isertitsiffiusimasoq.
AAMMA ATUARUK Avannaani qaleralinniarneq ajalusooratarsinnaasoq