Qaleralinnik tunisat ikileriarujussuartut
Naatsorsueqqissaartarfiup ukioq manna aggustip tungaanut tunisinermut kisitsisaataasa kingulliit ullumi saqqummiunneqartut tamanna takutippaat.
Ingammik qalerallit qaammatini siullerni arfineq-pingasuni tunineqartut ikileriarsimapput. Qalerallit tunisat ukiuni arlalinni aatsaat taama ikitsigipput.
AAMMA ATUARUK Krusep qaleralittassat pillugit inassuteqaat malikkumanngikkai
Aamma raajat tunineqartut siorna tunineqartunut naleqqiullugit ikileriarput, qalerallilli ikileriarneratuulli ikileriartiginatik.
Aamma saarulliit tunineqartut siorna tunineqartunut naleqqiullugit ikileriarput. Saarulliit siorna tunineqartut ukiorpassuarni amerlanerpaajupput.
Saarulliilli tunineqartut siorna tunineqartunut naleqqiullugit ikileriaraluartut, 2014-imi 2015-imilu tunineqartunut naleqqiullugit amerlanerujussuusut, Naatsorsueqqissaartarfiup kisitsisaataasa kingulliit takutippaat.