Qaasuitsup Kommuniata innermik ikitsineq pujortarnerlu inerteqqutigilerai
Kommunimi sumiiffinni arlaqartuni nuna paningaatsiarmat innaallanninnguaq ikuallatsitsilersinnaammat taama inerteqqusiisoqartoq, kommunimi qatserisartut pisortaat, Bjarne Gregersen taama paasissutissiivoq.
Nassuttuumi nuna sapaatini akunnerni marlunni ikuallangaatsiarpoq tamatumanilu qatserisartut oqartussallu allat ulapputingaatsiarput. Inerteqqummik unioqqutitsineq kingunerlungaatsiarsinnaasoq, Bjarne Gregersenip oqaatigaa.
- Inerteqqummik unioqqutitsineq politiinut unnerluutigineqassaaq, nunamilu ikuallannermik qatserisartut sulinerannut aningaasartuutit akiligassiissutigineqarsinnaapput, qatserisartut pisortaat oqarpoq.
Angallassinermillu aaqqissuussisartut, akunnittarfiit assigisaallu takornarianut inerteqquteqarnermik paasissutissiinissaat kaammattuutigalugu.
Inerteqqut atuukkallassaaq.