Qaasuitsup Kommunia ulloq unnuarlu paaqqinnittarfimmik pilersitsilersoq

Qaasuitsup Kommunia ulloq unnuarlu paaqqinnittarfimmik ammaasussanngorpoq.

Allattoq Jonas Fievé

novembarip 30-at 2015 05:27

Nutserisoq Simon Uldum -

Kommunip Qasigiannguani 2016-imi ulloq unnuarlu paaqqinnittarfeqalernissaa kommunalbestyrelsip sisamanngormat ataatsimiinnermini akuersissutigaa.

Kommuni tusagassiorfinnut nalunaaruteqarluni allappoq meeqqanik sullissineq pingaartillugu aappaagu suliniuteqartoqassasoq, tassungalu atatillugu meeqqat atugarliortut kommunimiiginnarnissaat qulakkeerniarlugu ulloq unnuarlu paaqqinnittarfimmik pilersitsinissaq pisariaqartoq.

Aamma atuaruk Ole Dorph Qaasuitsup Kommuniani pisortat tapersersorpai

Taamatullu aalajangertoqarnera Qaasuitsup Kommuniani isumaginninnermut ataatsimiititaliami siulittaasup nuannaarutigaa kommunillu meeqqanik sullissinerata pitsaassusaata qaffassarnissaanut alloriarnertut siullertut taallugu.

Qasigiannguit toqqarneqarpoq meeqqat ilorrisimaarlutik inuunissaannut najugassaqqittutut isigineqarmat. Illoqarfik efterskoleqareerpoq aammalu toqqissisimanartutut qajannaatsutullu ilisimaneqareerluni.