Qaasuitsup innuttaasuni aput pillugu mianersoqqugai
Qaasuitsup Kommuniani Annaassiniartartutut Upalungaarsimasuinit kommunimi innuttaasut aputip sumiiffinni assigiinngitsuni sisoorsinnaanera pillugu mianersoqquneqarput.
Allattoq Kenneth Elkjær
Kommuni tusagassiutinut tallimanngormat nalunaaruteqarpoq:
- Qaasuitsup Kommuniata Annaassiniartartutut Upalungaarsimasuinit aputip sisooratarsinnaaneranut aarlerinaateqarsinnaanera ilisimatitsissutigineqassaaq, taamatullu pisoqassappat annaasiniartartut ajutoorfimmut orniguttariaqalissappata ikiortissat ajutoorfiusumut anngunnissaannut piffissaq nalinginnaasumit sivisuanerusinnaammat, kommune allappoq.
Innuttaasut silami angalaassatillutit mianersornerussasut kommunimit inassutigineqarpoq.