Assi: Blå Kors Danmark

Qulaarpaa Qaasuitsumi siuariartortoqarpoq

Aporfissaaloqaraluartoq Qaasuitsup Kommuniani siumut ingerlasoqariartorpoq, Ilulissanilu suliassakinnerunera isumaginnittoqarfimmit pingaartumik nuannaarutigineqarpoq.

Kalaallit Nunaata avannaani kommunit arfineq pingasut ataasiinnanngortinnissaat ajornakusoorsimallunilu sivisusimavoq. Arlalitsigulli pitsanngoriartoqarsimasoq, isumaginninnermi pisortaq Henrik Soloy isumaqarpoq.

Qaasuitsup Kommuniani ukiut marluk matuma siorna aallartikkami ingerlatseriaatsip malittarisassallu atorneqartut kingunerisimavaat suliat ilarpassui Ilulissani suliarineqartariaqarlutik.

Aamma atuaruk Kommunip avinneqarnissaanut eqqarsarluartoqaqqaassasoq

- Tamatuma kinguneraa suleqatigut sinerissamiittut pakatsillutillu ilaatigut naqisimaneqartutut misigisarnerat, Soloy oqarpoq - nassuiarlugulu ullutsinni suliassat sinerissamiittunit suliarineqartartut qullersaqarfinniit taperserneqaannartartut.

Aningaasartuutit nakkutigisinnaanissaat pingaaruteqarpoq

Ilisimatusarfimmi immikkoortortami pisortaq Mette Sonniks naapertorlugu kommunit kattutsinniarneri sivisuumik suliassaasarput, taamaattumik suliat sinerissamut siammaqqinnginnerini qitiusumik sullissinissaq aqqusaaqqaarneqartartoq.

- Isumaqarpunga akiligassat paasiniaraanni eqitereqqaarnissaq pisariaqartartoq, meeqqat qassit inissinneqarsimappat nunaqarfinnilu suut immikkut ajornartorsiutaappat.

Sivisusinnaasarmat inuit pisoqaqqinnissaata tungaanut qulaavaaneqartutut misigisarput, Sonniks oqarpoq.

Aamma atuaruk Avinnerup iluaqutaanissaa qularnartoq

Aamma atuaruk Politikerit nuanninngitsunik aalajangiinissartik pikkoriffigineruleraat

Qaasuitsup kommuniani pisortaanerup Hans Eriksenip uparuarpaa ullumikkut kommunimi atorfillit 2200-sut,  taakkunannga 137-it immikkut ilisimasalittut aqutsisoqarfimmi atorfeqarlutik. Sinneri arlalinnik ilinniagalittut kommunimi agguataarneqarsimapput, ilinniagalinnilli inukittunukartitsiniartarneq unammillernarnerarpaa. 

- Tassaniippoq ajornartorsiut aamma angisooq, ilinniarsimasunik piffinnut angisuunut minnerusunullu inuttaliiniartilluta, Hans Eriksen oqarpoq.

KANUKOKAmik nuutsitsiniarnertut ilisinnaanissaa aarleraa

Hans Eriksenip nassuiarpaa piffinni amerlasuuni kuuginnartumik imeqannginnera, avammullu attaveqaatit ajornakusoornerisa sulisussarsiorneq ajornakusoortittaraa.

Taamaattumik kommuni arlalinnut avinneqassappat sulisut qanoq agguarneqassanersut takorloorsinnaarpianngilaa.

- Tassaniippoq ajornartorsiut soorlu aamma KANUKOKA-mi sulisoqarniarnermi tamanna aamma ajornartorsiutaasoq, kommuni avikkutsigu tamanna nuutsinniarnerinut unamminartuussasoq aamma takusinnaavarput, Hans Eriksen oqarpoq.

Isumaginninnerup tungaatigut Henrik Soloy'p nuannaarutigaa suliat piffinni ingerlanneqartarnerisa anguniagaq angujartuaarmagu.

- Ilulissani qitiusumik allaffeqarfiup siunertaraa pisariaqartitsisut ikiornissaat - nakkutilliisuunani.

Aamma atuaruk Qaasuitsup akiligassaq akilissavaa

Aaqqissuusseqqinermi anguniakkat suli anguneqanngillat, tamannali tupinnanngittoq Mette Sonniks oqarpoq.

Kattussuinerit ajornakusoortuaannarput, kommunit iluarsaateqqinneri ukiut arfineq marluk ingerlareersut suli nutaatut naammassineqanngitsutut isigaakka, Sonniks oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!