Qaasuitsumi meeqqiortoqarnerusoq
Qaasuitsup Kommuniani innuttaasut 2016 Kommuneqarfik Sermersuumi innuttaasunit meeqqiornerusimapput. Nunatta Naatsorsueqqissaartarfiata kisitsisit saqqummiussaasa tamanna takutippaat.
Allattoq Mads Pedersen
novembarip 08-at 2017 07:02
Qaasuitsup Kommuniani 2016-imi meeqqat 300-t sinnerlugit inuusimapput. Tassa 2016-imi Qaasuitsup Kommuniani meeqqat 318-it inunngorsimapput. Ukiuni 10-ni aatsaat taama amerlatigisut kommunimi inunngorsimasapput.
Kommuneqarfik Sermersooq ukiorpassuarni meeqqiorfiunerpaatut siuttuusimagaluarpoq, maannali tassa Qaasuitsumit qaangerneqarpoq, tassami 2016-imi "296-iinnarnik" kommunimi meeqqiortoqarsimammat.
2016-imi Kommuni kujallermi meeqqat 77-it inunngorsimapput, ukiunilu qulini aatsaat taama ikitsigalutik.
Qeqqata Kommuniani 2016-imi meeqqat inunngortut 139-t nuannaarutigineqarsinnaasimapput, ukiup siulianut sanilliullugit 16-inik amerlanerusut.
Nuna tamakkerlugu 2016-imi meeqqat 830-it inunngorsimapput.
