Qaasuitsoq Kujallermi kina borgmesterinngussanersoq suli nalunartoq
Ane Hansen, Inuit Ataqatigiinneersoq, kommunimi qinersinermi 350-init taaguunneqarluni taaguunneqarnerpaavoq borgmesterinngoriaannaarpasillunilu.
KNR-illi naatsorsuinera naapertorlugu, Inuit Ataqatigiit Siumullu kommunalbestyrelsimi arfineq-marlunnik isertitaqassapput, Atassutillu inissaq 15-iat kingullerlu pissavaa.
Taamaammat Inuit Ataqatigiit assersuutigalugu Kommuneqarfik Sermersuumi suleqatigisaminnik Demokraatinik suleqateqarsinnaanngilaq.
Taamaalilluni Ane Hansen borgmesterinngorusukkuni Siumumik Atassummilluunniit, Siumumik suleqateqarajuttartumik, suleqateqarniarsarisariaqarpoq.
Tassalu Qaasuitsoq Kujallermi pissaaneq pillugu sivisuumik isumaqatiginniartoqartussanngorpasippoq, periarfissarsiortoqartussanngorpasillunilu.
Taamaammat Nunatsinni kommunitaassap borgmesterissaa Inuit Ataqatigiinninngaanneersinnaavoq, Siumumeersuusinnaavoq allaallumi Atassummiinngaanneersinnaalluni.
qinersineq.gl-imit
