Ritzau Nunanit allanit

Qaartartumeerisoqarnerani toqutaasut Belgiami eqqaaniarneqartut

Bruxellesip Timmisartoqarfissuani saassusisoqarneranit - Belgiap oqaluttuarisaanerani nutaajunermi saassuussinerit sakkortunersaannit - ukiup ataatsip qaangiunnerani eqqaaniaalluni ullaaq manna nalunaaqutaq 7.58 minutsini ataatsimi nipaallisimaaqatigiittoqarpoq. Belgiap kunngia Philippe dronning Mathildelu, ministerillu arlallit aamma najuupput.
Bruxellesimi qimuttuitsut nunap iluatigoortut unittarfiat, metro, EU-p sullissiviisa eqqannguaniittoq timmisartoqarfissuup qaartartumeerneqarnerata kingorna aamma qaartartumeerneqarpoq Assi © : Marc Vanstraelen/Flickr Creative Commons
Allattoq Ritzau
marsip 22-at 2017 13:40
Nutserisoq Simon Uldum -

Imminnut pilliutigitigalutik qaartartumeeriniat Belgiap illoqarfiisa pingaarnersaanni siorna marsip 22-ani saassussimmata inuit 32-t toqutaapput.

Ajortumeeriniat islamisiortut inuusuttut marluk sekundit qulingiluakkuutaarlugit imminnut qaartipput inuillu 16-it toqullugit. Qaartartumeerinermi inuppassuit aamma ikiligaapput.

Nalunaaquttap akunnera ataaseq qaangiummat qaartartumeerisoqaqqippoq. Tamatumuuna Bruxellesip illoqarfiata qiterpasissuani metrop unittarfiani. Inuit 16-it aamma tassani toqutaapput.

Saassussinerni aqqunartitertut katillugit 320-upput.

Kunngikkormiut, ministerit toqutaasunut qanigisaasut annaassiniartartullu timmisartoqarfissuarmi ullumi pingasunngornermi eqqaaniaapput. Toqutaasut aqqi ataasiakkaarlugit aamma atuarneqarput.

Saassussisoqarneranit ukiup ataatsip qaangiunnera malunnartinniarlugu ullup sinnerani allanik aamma pisussaqarpoq.

Aamma atuaruk

Ritzau

Spaniap ministeriunerata suliani unitsikkallarlugit eqqarsarfissaqarnissani siunniukkaa

Ritzau

Ukrainemut milliardilikkuutaanik aningaasaliissutissatut siunnersuut USA-mi Senatimi akuersissutigineqartoq

Ritzau

Gazami peqqinnissamik suliaqartut toqungasut timaannik 200-nik napparsimmavimmi nassaartut